食物渣滓

細個媽咪話﹕「食完飯，個碗如果仲有一粒飯係到，將來老婆一定豆皮！」俾佢一嚇，從此飯碗可以照鏡。

係屋企煮飯，份量一定唔會多，唔想食隔夜餸嗎！

出街食飯，我多數係食到尾，清埋碟果個來的！每一班朋友都會習慣叫我﹕「仲有少少，你得既食埋佢吖！」除左我食得，家訓亦係好重要，唔好浪費。比較唔好食既，我都會盡量清左佢。

快餐店一向都唔好食咖啦，好容易就食到難食既菜式。避免浪費，去好食既餐館或者叫埋我去係一個好方法，好食既餐廳，有我同我既替身朋友 「Food fighter - 井源滿 」一齊食，多多都食得起。因為佢個胃係一個宇宙！


港 每 周 浪 費 逾 億 元 食 物

200分

對「下世傳奇」莫明喜愛，「汽水樽裡的咖啡」一出，濕晒........對眼！
全場都係自己人，全情投入，全力合唱。好耐冇咁熱血啦！
感到她們一齊出現了...

後悔，一次就夠！唔可以比佢再發生！一定要睇！

200分鐘，有嘉賓，有點唱，有握手，有金波，必成07回憶。

除左伊臣，何CC，現場唱同CD都係冇分別。

有冇咁賤咖！打爆佢！

一班白痴兔仔，捉左鴨仔來玩Gladiator。
賤兔用各種遊戲玩鴨仔，但其實玩自己多D，邊有咁死蠹！
表情一流，賤野多多，白白痴痴，低低能能。一見到就要打爆佢！
推介唱歌仔，真係笑爆咀！

打爆左，仲有好多野玩，都唔知點攞一千分！都唔似係人可以過到！

Rayman: Raving Rabbids

Wii kill Mii

龍珠可以哈咩哈咩哈~~~~
賤兔仲有冇得再賤啊~~~~
打波好攰咖~~~~~~~~~~


為左 Wii ，之前計劃好的忘記了，只知買，買，買！ 冇計數，冇安排，冇準備。一月一日零晨，一日都唔等得，香港冇，即刻一野 Click 落 eBay 到！搞到因快得慢，但陰差陽錯，意外地早玩左又平左少少。

Wii 又令到我返到以前細路買電玩咁，自制能力冇晒，買左先講，玩完先算。未有時就心掛掛，努力收料做功課。買到時就輕奮無比，日玩夜玩。但最後好快又泠泠淡淡，放埋一邊。

不過 Wii 真真真真真.......係好玩呀！全新感受，打機一大進步。應有一年貨仔起碼。



個人冇特徵，所以點都唔係好似我的 Mii。