好兄弟

Photo by 井


longtimenosee 好久不見後，明顯來個集資大行動，從多方面去集資，只要你肯比，多多都有得你比。二 三十款tee; 心口有個m字， 唱首Fantastic，加對 Kittybrick; K800i 遙控人浪; 手電燈海....你可能不知，你可能不喜歡，但商業社會的運作就係咁！有米飯班主先支持好辦事。新歌不及舊歌; 是但噏冇火花， 但有米飯班主。佢地大咗，我地都大咗！亞Kot老，亞Jan更老，老過維園亞伯。從前感覺揾唔返啦！但軟硬超人完全觸動我的神經!全身整套超人服連頭盔， 正正就係你我童年回憶加夢想。

所以最緊要係 - 開心 - 我睇得真係開心！ 輕奮！沸騰！新歌放係現場又可以加分，亞回憶亦幫唔少，總之投入睇就有好收獲。

Jan冇講，Kot亦冇講，但"好兄弟"同"最佳損友"就寫得清清楚楚！ 相識廿年， 30'mething 加 asiaactagainstaids 的完美配合早已交代了。

原來﹕「劉華愛碌齡，劉華讀書醒，劉華無得頂，個大鼻邊有整！」
我枝綠茶去邊到換?

Encore 時的 Encore

追蹤衛斯理

明明係與金庸見面坐談會。點解又有衛斯理。

其實早知倪匡今日又有一個讀者會，但揾唔到詳細資料，打去會展問又問唔到乜。係金庸到坐到差唔多就由七樓走去四樓揾。去到四樓見靜蠅蠅，只有幾間會議室，仲要經過接待處至入得。一點指示都冇！

硬住頭皮問﹕「請問有無405展覧廳？」
接待小姐話﹕「無405展覧廳咖，405會議室就有。」
但我既資料係405展覧廳喎!
我地再問﹕「係咪有倪匡坐談會，但我地唔知點參加？」
斯文有禮的接待小姐﹕「有，但我都唔清楚，不過你地可以去自己去問一問，佢地有接待處係門口。」
心情已經開心晒，走到放佐一套精選衛斯理廿本裝的枱前,
我問﹕「係咪有個倪匡坐談會，點樣可以參加？」
雅小姐話﹕「係呀！係我地明窗書迷會搞，之前打佐電話登記就得啦！」
心裹一沉！雅小姐再話﹕「不過宜家仲有位，你地可以入去坐！」
搞掂，即時輕奮，見到房內人數大約有一百人，心想同倪匡距離好近，正！好易就可以問問題更正！有十幾人手上已經有本記事簿，做定功課，記低問題。係咪咁堅啊！原來有記事簿哩班人係明報校園記者，怪不得咁緊張，又有準備啦。

倪匡先生準時到，這次冇蔡瀾相陪。由明窗老細主持，問答同前一個差不多，但我感覺一路都好輕奮。一定係因為哩次人數少，地方細，私人，獨家，之前冇準備會 來！所以咁輕奮。好想同倪匡傾計，因為佢既事都知好多，好似好熟咁，佢答完一句後直頭可以接著佢再問。諗佐好耐終於想到一題有趣問題。仲係全場最後一條問 題。

我問：「拫據你的理論，先進的外星人已可以來到地球，甚至已經住係周圍。咁請問你有冇發現世界邊件事係同外星人有關？」
倪匡：「肯定有外星人來到地球，可能在坐都有外星人，但有沒有留底就不知道。」
倪匡再說：「同外星人有關的事有好多，秦始皇陵墓現在還未揾到就可能有外星人幫忙。埃及金字塔咁大塊石就應該有外星人協助。」
噢！百密一疏，哩啲書都寫咗啦，我唔係想你答哩o的!
我即刻補飛大叫：「咁現代呢，宜家有冇發現？」
倪匡：「現代肯定都有好多例子。」
吓！係咁嗱，輸晒！

問答環節完結，立即開枱做簽名會。
冇準備要簽名，但想影相！冇問到可唔可以影相就去排隊，打算唔比都霸王硬！好彩冇問題！倪生仲話：「吓影相，鐘意影相咁有趣！」
問佢幾時食黃油蟹，佢話：「吓你又知我鐘意食?」

這個是當然的，我是你的粉絲呀! 倪生!

金庸的青城派

比起前一日倪匡坐談會，明顯人數係多一倍有多。要加投影幕做後排攻擊！但我坐佐係攝影區後面，睇唔清楚台上查生同陶生，只可以由大银幕見到面部表情。本來話 粵語對答，有即時傳譯為國語。但查先生一開始就用國語，搞到全場轉佐國語對答！咁我想知即時傳譯係咪轉返做粵語？可惜我又揾唔到即時傳譯服務台係邊。我地 遲到，但好彩人多所以遲開始。

同衛斯理一樣，台下讀者嘅問題大多屬初階，但當然有趣嘅亦有!例如，有四年班小朋友問紅花會有十五個當 家，咁十四當家好似冇乜提及，究景佢係邊個？查先生會唔會收徙弟？可否再出報張轉載版？其中比較有趣嘅係有一位從中國大陸道教青城派的道長，佢真係著藍色 道服，頭帶型狀似官帽的藍色道帽。仲有位俗家弟子在旁。佢先多謝查生，為佢地宣傳，好多人都知道有青城派，而想來學武。但在金庸世界內道教有好多負面的形 像，查先生有什麽補救？查先生講，佢嘅故事只係一個故事，讀者應該有能力分辨故事同真實世界。而在書中有些人物跟據史實而有影嚮到其後人嘅，在新修版中巳經删去或者改名。例如甄子丙代替尹志平。我都憎尹志平沾污咗姑姑。

查生全程用國語，間中有廣東話。但對唔住，我真係聽唔清楚。係因為查生說話斯文細聲仲要窒吓窒吓，再加上佢每條問題都答得好長，仲有o的重覆，我真係投晒降。

衛斯理 ≠ 倪匡

倪匡先生回歸後，首度與讀者座談會在香港會展舉行。由蔡先生從旁協助倪先生與讀者對話。一開始，倪先生再次提醒大家不要把衛斯理和倪匡劃上等號!他們完全是兩個不同的人，倪匡只是一個把衛斯理的故事寫出來的人。

整 個座談會，由讀者發問，倪匡先生回答。對於有留意他的故事和蔡瀾專欄的人，很多讀者的問題或倪匡先生的故事，答案已經一早知道。有些問題又可以從倪匡先生 平常看到的性格中估計到他會是怎樣答。所以整個座談會對我來說就只是一個親身看到倪匡先生的機會。但亦希望問題可以高階一點，而不是倪匡先生的入行經過和 原因、他的人生配額說法、生話點滴、最喜歡的人物和作品、寫作方法、靈感何來、給小作家的意見等等 ....

蔡瀾先生再次教導大家，稱呼別人不應只是連姓帶名一起叫，只有好朋友同輩才只叫名字。普通人禮貌上要加上先生小姐。現場有位讀者就只是叫:"倪匡，你什麼什麼........."即時給蔡生用一個他常說的笑話教訓了。

比 較有趣的是，倪匡日寫萬字，故事情節眾多。讀者問到情節發展人物安排時，他會直認忘記了或自已都不明何以有此寫法。更說當重看某些故事時，發覺故事精彩， 但到結尾時又有點草草收場。絕對是虎頭蛇尾。又例如温寳裕由正入邪，然後改邪歸正，都只是一時感覺。沒有特別安排。這樣的回答非常趕客，亦非常可愛！

完場後，當然有簽名時間，但一個名對我又有什麼意義？全套晝簽名又當別論！哈哈!

倪匡的說法:"如果現在走，就是七十四了"(1)。我就是因為這句說話而參加這次座談會。我要好好去珍惜這個倪匡的第一次。不惜一切！



(1)<自序>蘋果日報-名釆 2006年07月15日

冇你地o既支持‧‧‧

我只可以進入分組賽！架車就輸左啦!

十點落到去，同首領叫左兩支百威就等抽獎。全場爆滿大部份人都係等抽獎。唔知點解我有兩個冧把抽，但我登記時見到有條友有四個，坐低仲見到有個人貼住六張抽獎貼紙。

話就話個零鐘玩完但就一路都唔開始，等我同首領第一次兩個人落吧玩骰盅飲啤酒。莫講話酒吧，平時兩個人坐低飲野都冇呀，晒時間嗎，成班人去就唔同。見到好多人都成班落黎一路玩一路等，華哥條數又幾好計。

同首領傾傾下決定將份獎轉成醉生夢死上山下海泰國版，你地出人我地安排。張經典變得更經典。架車應該放到七八萬咖。抽中架車仲可以成班 friend 一齊去旅行，幾正！



百威有四個 [百威女] 走來走去解釋抽獎方法。身裁苗條，著住條百威白色超短裙都幾好睇，明顯有揀過，同果o的露腰怪完全冇得比。原來之前五個禮拜六，兩間吧各抽十五個，一共百五票放落去抽。 (但我抽中一次，點解我又有兩票，人地又有四票、六票???)。



由 有線陳欣欣主持，分四組每次抽五個出黎玩遊戲排次序抽櫃筒，每五個櫃筒有一條鎖匙，抽中就入四強。四組玩既遊戲係競飲、Q&A、吹波同廿一點。o 車但係o的遊戲冇乜用o既，最後都係鬥運，揀先都可以唔中！四强就一人麥一個百威女玩拼圖鬥快，又係快果個先揀鎖匙開宝盒，車匙就係裹面，亦係冇關係，只 係鬥運。


我係第二組抽中出去玩世界杯Q&A，但我o既運用完了，揀櫃筒後我得到既獎品就係25張磁石貼！架車就比個哥哥仔抽中了!抽獎進入二十名，箅有交代啦! So Close!

有獎齊齊分

今晚去抽獎，頭獎係一架車。如果有幸抽中，我一定賣鬼左架車，減去一切開支同班朋友一齊分。開心事一齊玩一齊分。今晚就辛苦我做代表落吧等收頭獎。

World Cup 2006: Italy-France

Photo from ESPN.com

Goals from Zinedine Zidane (Pen) and Marco Materazzi .
Italy 1-1 France(a.e.t 5-3 PSO.), D-D@Half-Full, odds 3.90

World Cup 2006: Germany-Italy

Photo from ESPN.com

Goals from Fabio Grosso and Alessandro Del Piero at extra time.
Germany 0-2 Italy, Draw game(0:2 a.e.t.), odds 2.83

心碎了

photo from FIFA World

一晚兩個打擊係咪多o左o的呢?
你地咁樣走o左叫我以後點算?其他人點算?
有幾多人目訓唔著?
我Final 仲出唔出去好?
我出去撐邊個先?
亞叔係奧海城仲有冇心機講波?
o的人買o左o既波衫仲著唔著好?
買o左o既snack食唔食得完?
酒吧仲有冇生意?
消費市場會唔會因你而死?
有冇人因為你輸死?
冇諗過你地會嬴,但都唔係咁早走!
你地全力係咁多貨嗱?
人地真係打得好過你地你地知唔知?
排陣有問題又知唔知?
世界盃係咪打完?
德國對意大利係咪悶對悶?
法國對葡萄牙輸單同輸朗邊個輸呢?

World Cup 2006: Germany-Argentina

Photo from ESPN.com

Goals from Miroslav Klose and Roberto Ayala,
Germany 1-1 Argentina with Penatly 4-2, correct score, odds 6.0